آهاي جوفتا تووار ترلان

 

آهاي جوفتا تووار ترلان

يئريشينگيز،  باخیشینگيز

آسیماندا گردیشينگيز

                          اوره گيمدن آلیر توان

                        بير وقت گلينگ کي آسیمان

                        لاچینلاردان خلوت اولا

سحر گون چالمامیش کرز

گلينگ کي بو قان اوره گيم

                        سيزي گؤره راحت اولا

گمانیم يوخ بويونگوز تک

                       قيامت ده قامت اولا

گؤينه گلمز بئله گمان

آهاي جوفتا تووار ترلان

              ***

اگر دونيا باهار اولا

باهاري لالا زار  اولا

لالالاري قطار اولا

                سيز او لالاردان يئي تر

               هرگؤي گوللو يازدان گؤي تر

آما صبا گلر خزان

آلار تاب

آپارار توان

                      آهاي جوفتا تووار ترلان

سيزده کي بير ياز اوشاغي

خزان اينان ايشينگيز نه ؟

اوچونگ قونونگ گؤي داغلارا

يئر اوزونده خوشونگوز نه؟

             ***

شيرين جانیم سيزه قوربان

                         آهاي جوفتا تووار ترلان

اوچونگ گلينگ سمالاردان

پسین چاغي يووالاردان

بير خبر بينوالاردان

                     بيلينگ مني سوراغلاشینگ

بو يار ياردان دوشر آيري

                    قشنگ ترلانلار آغلاشینگ

بيليرم داها گؤزلريم

دوشمز گؤزه ل گؤزونگوزه

حسرتلي اؤلر

ارسلان

                       آهاي جوفتا تووار ترلان.

                                                            1377 فیروزآباد

 

وئبلاک یازان _ ارسلان میرزایی - یکشنبه بیست و هفتم فروردین 1391 ساعت 13:53 موضوع لار | ثابت لینکيم

 

 

آی قره باش

سنه قوربان

نه سنه قوشما دئمیشم

نه باشینگا دولانمیشام

نه جانینگا جان قویموشام

 

مسلمانلیقدا قویمامیش

قره باشینگا ال چکم

الیمدن بیر تالا چؤرک

آلمیشانگ

یا

آلمامیشانگ؟!؟

کیم نه بیلر؟

 

نه دن قویروق بولارانگ سن؟

نه دن دوشدنگ آیاغیما؟

 

آی قره باش

دیلی باغلی

دیل آنگلایان

گؤزلرینگدن اوخورام من

اوره گینگ هوخوران سؤزو

 

باخیشنگدان آری باخیش

هئچ بولاق

گؤزونده

کؤرمم

 

آی قره باش

آی گؤینو آغ

چؤب سیننده هادیغانگ سن

کیپلریکلریم قوووشاندا

قورودارانگ وارلیغیمی

 

آی قره باش

آداملارینگ اؤرگتمنی

منیم سه‌وگیلیم وفادا

ایتی اؤزوندن یئی رگ دیر...

 

 

وئبلاک یازان _ ارسلان میرزایی - سه شنبه بیست و سوم اسفند 1390 ساعت 12:27 موضوع لار | ثابت لینکيم

فراخوان سومین دوره جشنواره غیر‌دولتی «آنامین یایلیغی»91- 90

بورایی تیکلایینگhttp://e-yayliq.blogfa.com

 

وئبلاک یازان _ ارسلان میرزایی - دوشنبه پانزدهم اسفند 1390 ساعت 12:38 موضوع لار | ثابت لینکيم

يار مئيل ائديب بيزه گلیر

 

بارايلاها شوكر_ي نعمت

يار مئيل ائديب بيزه گلیر

خورامان طاووس_ ی جنّت

بويون سوزه_ سوزه گلیر

سیحر_ ی چشمينه تبارك

آلير جان، آپارير اوره‌ک

دعاي چشم_ ي زخم گرک

بو قيز آخير گؤزه گلیر

هرعهدده بيرجگر خون وار

لئيلي وار، قيس_ ی مجنون وار

اورداكي قدّي مووزون وار

تعريف اولور، سؤزه گلیر

هم كيم، يار اينتظاري دیر

هيجريندن، رنگي ساري دیر

عاشیق دیر، دردي كاري دیر

طاقت ائدمز، اوزه گلیر

هر كيم، بو سوودايا دوشر

ظرفيت اولماسا، داشار

مأذون هرنه آرتيق ياشار

شعري تر و تازه گلیر

 

 

 

 

Yar méyl édib bize gelir

Barılaha şükr_ é né'met

Yar méyl édib bize gelir

Xuraman tavus_ é cennet

Boyun süze_ süze gelir

Sihri çeşmine tebarek

Alır can aparır ürek

Doay_ é çeşm_ é zexm gerek

Bu qiz axır göze gelir

Her ehdde bir ciger xun var

Léyli var qéys_ é mecnun var

Ordakı qeddi mowzun var

Te'rif olur söze gelir

Her kim yar intızarıdır

Hicrinden rengi sarıdır

Aşıqdır derdi karıdır

Taqet édmez üze gelir

Her kim bu sowdaya duşer

Zerfıyet olmasa daşar

Me'zun her ne artıq yaşar

Şéri ter o taze gelir

 

وئبلاک یازان _ ارسلان میرزایی - دوشنبه بیست و چهارم بهمن 1390 ساعت 14:24 موضوع لار | ثابت لینکيم

من ائله بیلیردیم سن سیز اؤله‌رم

من سن سیز اؤلمه‌دیم منی باغیشلا...

                                            «رامیز روشن» 

........................................................................................

آیریلیب گئدنده بو اوزاق یولو

دالینگچا گلمه دیم منی باغیشلا

من سنی گؤزه‌لیم گؤزلریم نورو

تانییب بیلمه دیم منی باغیشلا

 

بو یوللار گؤتوروب آپاردی سنی

آپاریب محنتدن قوتاردی سنی

اوره‌گیم چوخ گزیب آختاردی سنی

تاینگی بولمادیم منی باغیشلا

 

ترپندی دوداغینگ ملک خویونگدا

بالیق کیم توردایدینگ آستا بویونگدا

شانلیگینگ چاغیندا سنینگ تویونگدا

آغلادیم گولمه‌دیم منی باغیشلا

 

روزگار بئلمه فورصت وئرمه دی

تا عومور آلمادی عبرت وئرمه‌دی

غوروروم الیمه رخصت وئرمه‌دی

یاشینگی سیلمه‌دیم منی باغیشلا

 

آیریلیق چاغیندا دئدینگ گله رم

گلمه‌دینگ قدرینگی ایندی بیله رم

اؤزوم اؤز یانیمدا دئدیم اؤله‌رم

من سن سیز اؤلمه دیم منی باغیشلا

                                             آذر-90 شیراز

 

وئبلاک یازان _ ارسلان میرزایی - پنجشنبه یکم دی 1390 ساعت 10:42 موضوع لار | ثابت لینکيم

اوزو بوغدا

قاشلاری آی دیلیمی

تئللرینگ اوخشاماسی

                     هانی اؤلو آغیتی دیر؟

 

گؤزلرینگ توولاماسی

نئچه اوزگجی اوتوب

یا اوزونگ شانلیگینی

                    هانسی تویدان گؤتورموشنگ؟

 

دور آیاغا قاش قایی قیز

کؤرپه مللک

کیپریکلریم کؤرپوسوندان

ائن گل بو گؤزوم کوراسینا دونیایی گز

آی گونونگ دوغماغینی

گون آیینگ باتماغینی

دنگیزینگ دالغاسینی

                           ائد تاماشا

 

بئش دانا بورماق هر بیری بیر ائل منه

قاش قایی قیز

اللرینگ

ائللرینینگ

اولماغینی

کیم اؤلدورور؟

 

سن منیم مرادی مانگ

آیاق گؤتور

سن یا علی(ع)

قدمینگ گؤز اوستونه

قاش قایی قیز

کؤرپه ملک

گچ کیپریگیم کؤرپوسوندن

دون قاباغا اون آلتی ایل

سن صحرایانگ؟...

یا فاطمه (ع)؟

مرادیمانگ

                        من ارسلان_

                                          میرزایی یام

                                                          سن منیم مرادیمانگ

                                                                          قاش قایی قیز....

 

 

 

وئبلاک یازان _ ارسلان میرزایی - پنجشنبه بیست و هشتم مهر 1390 ساعت 13:33 موضوع لار | ثابت لینکيم

آدینگ گلنده شعریمه                سؤزوم چیچک ایسی وئریر

بو سؤزلری دئیه م کیمه            گؤزونگ اورک ایسی وئریر

 

آی خرمنی گونده سووور          باغریمی بوغدا کیم قووور

اوزونگده گون ایسسی چووور    شامینگ ایپک ایسی وئریر

 

سن تازا وورموشانگ باشا        من باشیم ده‌یمیشدیر داشا

گؤزومو قورد ائتدیم قاشا           بو قاش کؤپک ایسی وئریر

 

گئجه اولدوز اوتارمیشام           حسرت باشا آپارمیشام

بس کی سنه یاخارمیشام           الیم اتک ایسی وئریر

 

منی دیلر شیرین دیلینگ           منه یارلیق ائدر الینگ

من آغساغام عاصا تئلینگ         گوجلو کؤمک ایسی وئریر

 

اوغرو گؤزونگ یامانچی دیر     ساری تئلینگ تالانچی دیر

باخیشلارینگ یالانچی دیر          گؤینونگ گرچک ایسی وئریر 

 

وئبلاک یازان _ ارسلان میرزایی - شنبه نوزدهم شهریور 1390 ساعت 8:20 موضوع لار | ثابت لینکيم

بو دونیایا گلیب...

بو دونیایا گلیب گلندن بللی

ساز صحبت خوش آوازدان دویمادیم

اؤزومو  تانیییب  بیلندن بللی

خوب یولداشدان اهل_ ي رازدان دويماديم

خوش او گون كي دلبرينن روبرو

اوتوروب ائدرديك شيرين گفت و گو

او يارينگ الينده تازا دستنبو

عيشوه ‌دن غمزه‌دن نازدان دويماديم

خوش او گون کی نازلی یاری بولوردوم

گاه کوسدوروب گاه گؤینونو آلیردیم

کوسدورنده قول بوینونا سالیردیم

هرنه اؤپدوم قشنگ قیزدن دویمادیم

يئري شورا گول و ريحان بيتيرمز

اصيل زادا اؤز اصليني ايتيرمز

قارين توشا گؤز تاماشا گؤتورمز

هرنه باخديم آلا گؤزدن دويماديم

مأذون دئيه‌ر: سئير ائيله‌ديم چؤللري

سياحت ائيله‌ديم آغير ائللري

باغچالاردا دوردوم قيزيل گوللري

آيايدين، جوانليق، يازدان دويماديم

Bu dunyaya gelib gelenden belli

Saz o sohbet xoş avazdan doymadım

Özümü tanıyıb bilenden belli

Xub yoldaşdan eh_ é razdan doymadım

Xoş o gün ki déberinen ruberu

Oturub éderdig şirin goftogu

O yarıŋ elinde taza destenbu

İşveden ğemzeden nazdan doymadım

Xoş o gün ki nazlı yarı bulurdum

Gah küsdürüb gah göynünü alırdım

Küsdürende qol boynuna salırdım

Herne öpdüm qeşeng qizden doymadım

Yéri şora gül o réyhan bitirmez

Esilzada öz eslini itirmez

Qarın toşa göz tamaşa götümez

Herne baxdım ala gözden doymadım

Me'zun déyer séyr éyledim çöleri

Siyahet éyledim ağır élleri

Bağçalarda dürdüm qizil gülleri

Ayaydın cevanlıq yazdan doymadım

 

 

وئبلاک یازان _ ارسلان میرزایی - چهارشنبه بیست و دوم تیر 1390 ساعت 15:19 موضوع لار | ثابت لینکيم

گچن آيينگ 13و 14 (3و4 مايز) تركيه ارزوم شهري آتاتورك يونيورسيته سينده 3. تورك دونياسينينگ عاشيقلار شؤلني قورولدو.

بو شؤلنده هامي تورك دونياسيندان من جمله توركيه، قزاقستان، آذربايجان، ايران(آذربايجان، شاهسئون، قشقايي، خراسان، توركمن و ....)، گورجستان، چين ( اويغورستان) دان اورا ييغليب و اؤز فرهنگلريندن چالديلارر و چاغيرديلار.

بو آرادا قشقايي لاردا اؤز فرهنگ، موسيقي و شعرلريني تورك دونياسيندا ياخچي تانيشماغا قويدولار.

اوستاد اسدا... مرداني ديلچي ليكده، محسن احمدي تورك ائللري اوستونه آراشديرماچي ليكدا، پروين بهمني ييرچي ليكده، محمد جاويدي موسيقي دا، دامون شش بلوكي موسيقي و ارسلان ميرزايي دا شعر و موسيقي‌ده برنامه لري واريدي.

 

 

وئبلاک یازان _ ارسلان میرزایی - سه شنبه بیست و هفتم اردیبهشت 1390 ساعت 15:38 موضوع لار | ثابت لینکيم

اوشاقلار آي اوشاقلار

قشقايي دا انگ اول كي اوشاق كيتابي

چاپا چاتدي.

شعر: ارسلان ميرزايي

تصوير: سپيده كريمي فرد

تيراژ: 5000 جلد

باها: 800 تومن

انتشارات قشقايي شيراز

اوشاقلار آی اوشاقلار

 

اوشـاقــلار آی اوشـاقـــلار                   

گلينـگ تـا بئل باغــلاياگ

اؤزگه ديلي دؤشونده                                

تـورکـی ديلـی سـاخلاياگ

گنجشکه بيز قـوش دئره‌گ                   

 آشنــايـا تـانیـش دئـره‌گ

ابـره بـولـوت سـؤيله ره‌گ                   

 بـارانـا يــاغیـش دئــره‌گ

 

خـرگـوشه دووشان دئره‌گ                    

مـوشادا سیـچان دئـره‌گ

لاک پشت اولـور تــوسبـاغا                    

بيـز مــارا ايــلان دئــره‌گ

 

اوشــاقـلار آی اوشــاقــلار                    

گلينـگ تـا بيـز سـوروشاگ

آتــامیـــزدان، آنــــــادان                    

تــورکـو ديلــه دانیــشاگ

ســرمايـا ســوووق دئره‌گ                    

 مرغــه ده تـوووق دئره‌گ

تورمـاگ بـاخـاگ ايـراقدان                  

 نزديکـه يــوووق دئــره‌گ

 

ده‌وه دئـده‌گ شتــــــرا                    

سنـگ دئميـره گ کـوتورا

سـؤز دئيه‌ره‌گ اوره‌گدن                   

تا گـوينــونگـه اوتـــــورا

 

مـن اؤزگـه‌يـه جان دئمم                   

آنــامـا مـــامــــان دئمم

بــرف بيـليــرم قـار اولــور                   

هئــچ کيمــه يــالان دئمم

 

هنـــدونه قـارپــیز اولـــور                    

نعنــادا يــارپـــیز اولــــور 

آی هئـــچ زامان ماه اولمـاز                   

ستــــاره اولـــدوز اولـــور

 

بـورمـاغــا انگشـت دئمـــم                   

يـوموروغــا مشـت دئمــــم

اتيم تـؤکـولــور يـولـــداش                   

اتيميـزه گــوشـت دئمــــم

اوشــاقــلار آی اوشــاقــلار                  

گلينـگ گئـــدگ اوينـاياگ

بيـر_ بير اينان جوش يئيگ                   

قـازان تکيــن قــاينـايــاگ 

 

 

 

وئبلاک یازان _ ارسلان میرزایی - چهارشنبه بیست و چهارم فروردین 1390 ساعت 10:37 موضوع لار | ثابت لینکيم